Nuk po gjejnë rehat statuetat dhe kompozicionet në Korçë. Së fundmi, me një akt të quajtur vandal, por që s’ka autorë janë dëmtuar sërish statujat në parkun ‘Rinia’ në qendër të qytetit të Korçës.
Episodi i radhës i dhunimit të këtyre punimeve në skulpturë është shënuar gjatë natës duke u gdhirë e martë, kur persona ende të paidentifikuar i kanë rrëzuar statujat nga platformat e tyre, duke shkaktuar kështu thyerje të tyre dhe dëmtime të tjera.
Statujat janë realizuar pak muaj më parë nga artistë të vendeve të ndryshme të botës dhe janë vepra të artit bashkëkohor. Deri më sot nuk ka asnjë të dyshuar.
