Në vijim të turnit të tij në takime me biznese, kryetari i Partisë Demokratike Lulzim Basha ishte sot në njësinë 11, në Tiranë. Gjatë bisedës me disa përfaqësues të bizneseve të vegjël përsëriti qëndrimin e tij se situata është shumë e rëndë në vend. Ai u shpreh se duhet ndaluar çdo shpenzim tjetër dhe lekët të shkojnë te njerëzit.
“Cikli negativ duhet ndalur dhe duhet të nisim një cikël pozitiv rritjeje. Për këtë, qëndrimi ynë ka qenë i qartë prej fillimi. Të gjitha të ardhurat e shtetit në këtë kohë duhet të shkojnë tek familjet në nevojë dhe tek biznesi. Këtë formulë nuk është se e kemi shpikur ne. Këtë po bën Maqedonia, këtë po bën Kosova, këtë po bëjnë dhe vendet e zhvilluara.
dhe unë garantoj që do të keni një qeveri që do të bëjë detyrën e vet. Siç bën ti detyrën tënde si prind, si familjar, si punëdhënës me këta njerëz që i mban këtu, u paguan rrogën, edhe në si qeveri nesër do të bëjmë detyrën tonë. Do t’ju ndihmojmë ju, do të ndihmojmë çdo familje në nevojë. Dhe na duhet një ndryshim i menjëhershëm, na duhet një qeverisje e re, na duhet një ndryshim i ri sepse kështu nuk ecet. Nuk mundet që të gjithë paratë e qytetarëve sot kur kanë më shumë nevojë për ato para të shkojnë në një drejtim tek 5-6 njerëz, ndërkohë që qindra-mijëra të tjerë nuk sigurojnë bukën e përditshme për të mos folur për fruta perimet, nuk sigurojnë dot ilaçet.”, u shpreh Basha.
Pjesë nga biseda
Qytetari: Çfarë do blejnë pensionistët me 120 mijë lekë pensionin. I jap edhe falas me listë aty. Herë i lajnë e herë jo
Lulzim Basha: Duhet urgjent t’i japim ndihmë ekonomike njerëzve. Duhet urgjent që të ndalet çdo shpenzim tjetër dhe lekët të shkojnë për njerëzit.
Qytetari: Djali iku në Gjermani erdhi. Nuk ikën dot më nga pandemia dhe është pa punë
Lulzim Basha: Duhen ndihmuar të gjitha familjet që kanë nevojë për ndihmë. Duhet të kemi një qeveri që të mendojë për vetë jo të mendojë për njerëzit. Vendimet e para që do marrim është të ndihmojmë familjet në nevojë për të dalë nga kriza. Do bëjmë detyrën tonë nesër dhe do të ndihmojmë të gjithë qytetarët
Qytetarët: Njerëzit nga frika bëjnë bukë në shtëpi dhe nuk dalin për të blerë
Lulzim Basha: E kemi detyrë ndaj qytetarëve të bëjmë maksimumin. Detyra e parë është që dikush të dëgjojë, t’iu kuptojë dhe pastaj t’iu ndihmojë
g.kosovari
