Dielli duket se doli për të mos u fshehur më kurrë…të paktën deri në fund të verës. Përpos faktit që jemi të lumtur për ditët e plazhit, problemi më i madh mbetet vapa! Flokët nuk rrinë kurrë të drejta, asnjë lloj veshjeje nuk durohet në trup dhe mbi të gjitha: gjumi i natës është i tmerrshëm!
Ata që kanë kondicioner e kanë gjetur pjesërisht zgjidhjen, kurse për të tjerët kemi disa hile të shpejta dhe efektive.
1. Që dhoma të jetë e freskët natën, duhet të jetë e tillë gjatë gjithë ditës.
Për ta mbajtur dhomën e freskët duhet ta ajërosni atë siç duhet.Kur dielli përvëlon gjatë mesditës, mbyllni dritaret dhe hapini vetëm pasi ai nis të perëndojë shkruan Albeu.
Gjithashtu mos harroni të freskoni dritaret (qoftë edhe duke vendosur një peshqir të lagur aty rrotull) dhe dyshemenë, duke e larë disa herë në ditë.
2. Ventilatorët mbeten ende një zgjidhje!
Nëse mendoni se koha e tyre ka ikur, jeni gabim. Janë ende shumë efektive!
3. Freskoni shtratin para se të flini
Në vend të çarçafëve saten apo sintetikë, vendosni materiale pambuku ose mëndafshi. Do t’ju mbajnë freskët përgjatë gjithë natës. Mos harroni të flini lakuriq ose të fusni çarçafët për pak kohë në frigorifer.
