Mazhoranca dhe opozita do të ulen nesër për të negociuar për Presidentin e ri. Panorama.al meson se negociatat do te jene neser ne oren 10:00.
Me heret Kryetari i Grupit Parlamentar të PD Enkelejd Alibeaj shkoi ne Kryesinë e Kuvendit, pas ftesës që Taulant Balla i ka bërë për të diskutuar për zgjedhjen e Presidentit të ri.
Kushti i Alibeajt për takimin me Ballën, është që të bëhet vetëm në prani të medias. Mesohet nga burime brenda kryesise se Kuvendit se eshte pranuar kushti i kreut te grupit te PD dhe negociatat do te behen ne pranine e mediave.
Më herët Alibeaj tha se nuk do të ishte i pranishëm sot në orën 18:00 në takimin ku e ka ftuar Taulant Balla, pasi ishte i gatshëm që diksutimin ta bënte në mbledhjen që u mbajt ketë paradite.
“Unë Isha i gatshëm që tani. E patë apo jo? Ata ikën. Këtë histori që jam i gatshëm por sjam i gatshëm, këto jo. A kishte më mirë se aty në konferencë kryetarësh? Publiku po e ndiqte.
Këto janë spërdredhje që bën maxhoranca, për të shtyrë ditët, për të trazuar ujërat te opozita”, deklaroi Alibeaj para mediave.
Alibeaj u shpreh se nuk i shmanget procesit dhe se do të ulet në orën 18:00 me përfaqësuesit e PS-së për të diskutuar në lidhje me kriteret që duhet të plotësojë Presidenti i ri i Republikës.
Vetëm nëse dakordësohen për kriteret, atëherë negociatat mund të kalojnë te emrat u shpreh Alibeaj.
“Presidenti duhet të zgjidhet për shkak të vlerave që mbart dhe jo se biem ne dakord këtu. Prandej kemi gjykuar të ketë një proces, të ketë ca regulla të ketë ca kritere dhe nëse pranohet ky qëndrim nga mzhoranca mund të kalohet te emrat. Spërdredhjet e maxhorancës janë të tilla pasi e dinë që në raundin e katërt dhe të pestë zgjidhet me 71 vota.
Unë isha ui gatshëm që tani, këto historitë që jam i gatshëm po nuk jam i gatshëm, këto jo. Ka më mirë se aty, ju ishit prezent, përpra kamerave, publiku ishte duke e ndjekur, se për publikun po e bëjmë.
Ka sens të bëhet dhe të zgjidhet brenda tre raundeve të para. Të zgjedhim një president që mos të jetë zgjedhje e palëve politike, por të jetë zgjedhur për shkak të vlerave që mbart.
Të dukem që unë po shmangem, unë që i çoj letra, i them që ta mbanim diskutimin që tani. Nuk merrem me lojra unë jam serioz. E kanë të shkruar dokumentin, ta lexojnë ta pranojnë. Ose nëse duan ta shtojnë le ta shtojnë, kështu vendoset dialogu i hapur përmes letrave”, tha Alibeaj./m.j
