Sekretari i Shtetit të Xhorxhias, Brad Raffensperger ka konfirmuar se në këtë shtet do të ketë një rinumërim të votave.
“Do të ketë një rinumërim në Xhorxhia“, tha Raffensberger në Atlanta, duke premtuar transparencë në proces.
Duke pasur parasysh se sa afër janë me vota kanidatët presidencialë në Xhorxhia, ishte e pritshme që shteti të bënte një rinumërim, sipas “The Guardian”.
Deri tani, Joe Biden kryeson me 1,579 vota ndaj Donald Trump në Xheorxhia.
Numërimi i ri do të ketë gjithashtu implikime të mëdha për kontrollin e Senatit Amerikan. Deri tani, pjesa e votave të republikanit në detyrë, David Perdue, në garën e tij ka rënë nën 50%, gjë që do të detyronte një balotazh të janarit.
Biden është duke kryesuar në shumicën e shteteve që do të jenë përcaktues për fituesin e garës, ndërkohë që Trump vijon të ketë ankesa për procesin numërimit. /d.c
