Për tre vjet e gjysmë Qeveria e kaluar ka shpenzuar mbi 7.3 milionë euro nga buxheti i shtetit vetëm për paga të kryeministrit, zëvendëskryeministrave, ministrave, zëvendësministrave dhe këshilltarëve politikë.
Aq pritet të shpenzojë edhe Qeveria e re, nën udhëheqjen e Haradinajt – vetëm pagat e 21 ministrave të ri do t’i kushtojnë taksapaguesve kosovarë mbi 30 mijë euro në muaj, shkruan Koha Ditore.
Përfaqësues të shoqërisë civile kanë thënë se zhvillimin e vetëm ekonomik që do të arrijnë këto ministri është zhvillimi i pasurisë së ministrave, familjarëve të tyre dhe bizneseve partiake.Ata kërkojnë ndryshimin e strukturës së Ekzekutivit nëpërmjet Ligjit për Qeverinë. (b.an)
