Ish-mesfushori i Arsenalit, Emmanuel Petit, ka deklaruar në një intervistë se Franca e bleu fitoren e “Botërorit ‘98”.
Fituesi i Kupës së Botës, Emmanuel Petit, ka shokuar tifozët e futbollit me këtë deklaratë në lidhje me kampionatin botëror të futbollit “Francë ‘98”, që u luajt në këtë shtet, duke plasur një skandal të ri në botën e futbollit.
Pas shpalljes së korrupsionit që tronditi FIFA dhe botën e futbollit, deklarata e javës së fundit e Petit, e cila pohonte se fitore historike e ekipit të tij ishte një mashtrim, do të bëjë që të shikohen seriozisht edhe organizimet ndërkombëtare si ai i “Euro 2016”.
Në një intervistë të transmetuar në internet, çuditshëm ai i ka quajtur shokët e kombëtare se tij si “kukulla”, duke iu përgjigjur pyetjes së gazetarit: “A ishte fitorja e fiksuar apo jo?” me, “po ka qenë çdo gjë e inskenuar”.
Ish-mesfushori i “përkëdhelur” i Chelsea-s dhe Arsenalit, që vulosi edhe fitoren e vendit të tij, Francës, ndaj Brazilit me golin e tretë në “Stade de France”, më 12 korrik 1998, ka bërë që të bjerë perdja e lavdisë për ekipin e Gjelave raporton Mapo.
Petit, tani në pension, tha se, ai beson se në finale ishte faza e fundit e një fushate të kujdesshme, të orkestruar për të siguruar fitoren e tyre nga prapa “dyerve të mbyllura”.
