Dy të rinj në Rrogozhinë janë zënë me fjalë e më pas debati ka degraduar në përplasje fizike deri në përdorimin e armës.
Gjatë të shtënave me armë zjarri në Rrogozhinë ka mbetur i plagosur një person.
Mësohet se është plagosur 25 vjeçari Keli Koçi, ndërsa autori i ngjarjes është Ervis Dedej, i cili është shpallur në kërkim nga policia.
Ngjarja ka ndodhur në qendër të qytetit tek parku, ku fatmirësisht nuk ka pasur të plagosur të tjerë pasi ajo zonë është shumë e populluar me njerëz.
I plagosuri është dërguar në spitalin e Durrësit ku po merr ndihmë mjekësore. Mësohet se ndodhet jashtë rrezikut për jetën.
/e.rr
