Sfida ndaj Napolit ku arritën që të siguronin vetëm një pikë duket se ka lënë shije të hidhur te Juventusi. Sipas asaj që raportojnë mediat italiane, barazimi 1-1 ndaj jugorëve ka shkaktuar trazira në shtëpinë e Torinezëve. Protagonistë mësohet se janë Matias de Ligt dhe Rabiot. Mes holandezit dhe francezit duket se ka pasur përplasje për shkak të pozicionit të Rabiot në fushën e lojës.
Mesfushori shihet tepër i lëvizshëm në fushë, gjithsesi kur topin e ka kundërshtari ai gjendet në befasi, duke lënë shumë hapësira në prapavijë. Pjesë e sherrit verbal janë bërë edhe dy lojtarët e krahut, Kieza dhe Kuadrado të cilët nuk duket se po ndihmojnë shumë në fazën e kundërt të pozicionit të tyre.
Pra italiani nuk kontribuon në fazën e mbrojtjes, ndërsa kolumbiani nuk po çan si dikur prapavijën kundërshtare. Një tension që pritet të mos kalojë pa pasoja te Juventusi, aq më tepër që rrezikon të shpërthejë në momentin më delikat të sezonit.
/a.r
