Debatet mes palëve janë zhvendosur sot në Komisionin e Ligjeve.
Kryetari socialist Ulsi Manja ka kërkuar hedhjen në votë të ligjit për ndihmën juridike, por PD është larguar nga komisioni me fjalët e deputetit Oerd Bylykbashi: “Çojani këtë ligj Habilajve për konsultim. I dhatë imunitet, personave të lidhur me mafian.”
Sarkazmës së tij i është kundërpërgjigjur Manja: “Këtu nuk është vendi për konferenca shtypi. Ligjin kundër korrupsionit, opozita e ka vetëm për retorikë. Por mund t’ia çojmë kreut të bashkisë së Mallakastrës,” ka thënë ai me ironi duke sjellë në vëmendje përpjekjet për heqjen e mandatit të krybashkiakut që sipas PS, e kapte ligji i Dekriminalizimit. LSI-ja nuk ishte e pranishme në Komisionin e Ligjeve. /b.d
