Gjithë ata që kanë planifikuar që në dy muajt në vijim të udhëtojnë drejt zonës së Thethit, ka diçka që duhet të dinë.
Kjo për shkak se që nga 1 tetori dhe për dy muaj me radhë do të nisë rikonstruksioni i rrugës Qafë-Thorë-Theth.
Fondi Shqiptar i Zhvillimit bën me dije se për shkak të punimeve për rikonstruksionin e rrugës Qafë Thorë-Theth, 16 km gjatë periudhës 1 tetor deri në 30 nëntor 2019 qarkullimi i mjeteve do të kufizohet në kilometrin e dytë, për shkak të vështirësisë së terrenit.
Konkretisht qarkullimi do të bllokohet nga ora 08:00- 12:00 dhe nga ora 14:00- 18:00.
“Shpresojmë në mirëkuptimin e të gjithëve dhe bashkëpunimin e banorëve për realizimin e këtij projekti të rëndësishëm”, njofton Fondi Shqiptar i Zhvillimit.
/a.r
