Pas miratimit të Planit Urbanistik të Tiranës kanë ardhur edhe reagimet e para nga politika. Në një reagim publik, Gjergj Bojaxhi shprehet se plani i ri urbanistik do të zhdukë përfundimisht gjurmët e mbetura nga trashëgimia kulturore e Tiranës.
Ai denoncon publikisht procesin për konsultimin e planit urbanistik me qytetarët, si një farsë e kurdisur nga Kryetari Bashkisë dhe marjonetat e tij nepotike në Bashkinë e Tiranës sipas tij.
“Rreshti i gjate i kukullave dhe kllounëve të oborrit arrin deri tek Ministria e Kulturës, ku u tjetërsuan brenda natës lagje të tëra monumente kulture, çka eshte qoka e radhës ndaj pushtetit dhe padyshim një tjetër dëm i pakthyeshëm ndaj interesit publik që i hap rrugë planit për të zhdukur identitetin historik të Tiranës përmes betonizimit total.
Kjo masakër që po e bën Tiranën të pajetueshme, do të kulmoje me projektin e qëndrës së qytetit. Ky shesh duhet të ishte një vepër urbane emblematike, të cilin fatkeqësisht, babezia dhe arroganca e pushtetit po nxiton ta shndërroje në një shkretëtirë përvëluese, ku po “digjen” jo pak, por mbi 15 milion Euro nga paratë e taksapaguesve. Jemi pikërisht ne që paguajme për këtë shfaqje të turpshme të kësaj kaste pushtetarësh dhe opozitës letargjike, në kurriz të interesit publik dhe ardhmërisë së fëmijeve tanë”, thuhet n⌂ deklaratën e shpërndarë për mediat nga Bojaxhi./a.m.
