Një plan misterioz është krijuar për të ndërtuar një stacion hapësinor kinez në rajonin Patagoni të Argjentinës. Stacioni mund të përfundojë deri në fund të vitit.
Katër vjet më parë liderët e të dy vendeve nënshkruan një marrëveshje për të ndërtuar “Deep Space Station”. Qarqet kanë folur për një “stacion të parë në hemisferën jugore” për të mbështetur programin për “eksplorimin e hënës dhe aktivitete të tjera hapësinore”.
Por ka shqetësime se baza do të ketë një qëllim më tepër ushtarak se një qëllim për të eksploruar hapësirën. Presidenti i ri i Argjentinës, Maurico Macri, ka premtuar të bëjë publike “klauzolat sekrete” të cilat janë shtuar në marrëveshje, shkruan “Fox News”.
Analisti politik Rosendo Fraga, drejtor i firmës konsulente “New Majority”, tha për BBC se, baza do të përdoret nga ushtria kineze. Por zyrtarët në Kinë i kanë mohuar këto pretendime duke thënë se objekti do të jetë “tërësisht civil dhe nuk do të përdoret nga personeli ushtarak”.
shekulli
