Kryeministri Edi Rama ishte sot në një takim me një grup kompanish “lider në tregun e energjisë në SHBA dhe BE”, që sipas tij, kanë gatishmërinë për t’u përfshirë “në zbatimin e planit ambicioz të transformimit të Shqipërisë në eksportues neto i energjisë dhe kampione e Ballkanit për energjinë”.
Në këtë tryezë, merr pjesë dhe ambasadorja amerikane në Tiranë, Yuri Kim. Përmes një video-lidhje, zyrtarja e administratës Joe Biden vuri theksin se pas pushtimit rus në Ukrainë, është rritur nevoja për pavarësinë nga gazi rus. Gjithashtu çështjet klimatike theksoi ajo, përshpejtojnë nevojën për tranzicionin drejt energjisë së pastër.
“Energjia bërthamore duhet të jetë pjesë e këtij tranzicioni. E shohim si çështje të sigurisë kombëtare dhe ekonomike përshpejtimin e tranzicionit drejt energjisë të pastër, sfidë që po hasim e po përballim së bashku. Synimet duhet të ndiqen në të njëjtën kohë. Tranzicioni është nevojë e nënvizuar prej ngjarjeve të fundit. Tranzicioni drejt energjisë së pastër, diversifikimi nevojë në lloje të ndryshme energjie”, tha ajo.
/b.h
