Policia e Shkodrës ka arrestuar sot 5 persona të dyshuar si autorë të plagosjes mbrëmjen e djeshme pas një konflikti banal. Sipas policisë, në pranga kanë rënë:
1.Leonard Kroni, 32 vjeç, banues në Shkodër, i dënuar më parë për vepren penale « Vjedhje ».
Arrestimi i tij u bë për vepren penale « Vrasje me dashje e mbetur në tentativë » si dhe “Armëmbajteje pa leje” .
2.Valentin Kroni, 26 vjeç, banues në Shkodër. Arrestimi i tij u bë për vepren penale “Armëmbajtje pa leje”.
3.Gjeto Leka, 26 vjeç, banues në Shkodër. Arrestimi i tij u bë për vepren penale, “Kanosje serioze për hakmarrje , Plagosje e lehtë me dashje dhe Prishje të qetësisë publike në bashkëpunim”.
4.Ermir Gjeloshi, 24 vjeç, banues në Shkodër. Arrestimi i tij u bë për veprën penale, “Kanosje serioze për hakmarrje , Plagosje e lehtë me dashje dhe Prishje të qetësisë publike në bashkëpunim”.
5.Valentin Gjeloshi, 26 vjeç,banues në Shkodër. Arrestimi i tij u bë për vepren penale, “Kanosje serioze për hakmarrje , Plagosje e lehtë me dashje dhe Prishje të qetësisë publike në bashkëpunim”(ka plagosur me mjete punonjesit e lokalit).
Gjithashtu u shpall në kërkim shtetasi me inicialet B.P., bashkëpuntor me tre të arrestuarit, Gjeto Leka, Ermir Gjeloshi, Valentin Gjeloshi.
Ngjarja ka ndodhur në orët e para të mëngjesit të sotëm ku:
Në vendin e quajtur « Te kisha e madhe », në Shkodër, ka ndodhur një konflikt,për motive të dobëta, mes disa klientëve dhe pronarit dhe punonjësve të një lokali, të cilët në gjendje të dehur tentonin të hynin me forcë në lokal.
Nga ky konflikt kanë mbetur të plagosur me armë zjarri pistoletë nga punonjësi i lokalit Leonard Kroni, klientët e këtij lokali, shtetasit : Gjeto Leka, Ermir Gjeloshi, të cilët janë jashtë rrezikut për jetën.
Në cilësinë e provës materiale u sekuestruan një Pistoletë, një thikë, tre gëzhoja dhe dy predha plumbi.
Materialet i kaluan Prokurorisë së Rrethit Gjyqësor Shkodër, për veprat penale të sipër përmendura.
