Një ngjarje e rëndë me një të plagosur ka ndodhur në Tiranë. Mësohet se një i ri është plagosur me armë zjarri pas një sherri në zonën “Varri i Bamit”.
I riu me inicialet G. N., rreth 35 vjeç është paraqitur me plagë në këmbë te spitali i Traumës. Autori është identifikuar si D. K., 30 vjeç, dhe shkaku i sherrit ka qenë për motive të dobëta.
Ngjarja ka ndodhur rreth orës 13:30 dhe i plagosuri është në spital, teksa autori në kërkim.
Plagosi me armë gjahu një shtetas, identifikohet dhe shpallet në kërkim autori i dyshuar. Shërbimet e Komisariatit të Policisë Nr. 4, ditën e sotme, pas marrjes së njoftimit se në vendin e quajtur Varri i Bamit, një shtetas ka plagosur me armë gjahu shtetasin G. N., rreth 35 vjeç, menjëherë kanë organizuar punën për identifikimin e autorit të dyshuar.
Si rezultat i veprimeve të shpejta hetimore u bë identifikimi i autorit të ngjarjes, shtetasit D. K., 30 vjeç, i cili gjatë një konflikti për motive të dobëta, ditën e sotme, rreth orës 13:30, ka plagosur me armë gjahu shtetasin G. N. Shtetasi G. N., ndodhet në spital, jashtë rrezikut për jetën.
Vijon puna për kapjen e autorit të dyshuar. Materialet do ti kalojnë Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme procedurale.
