Dy ditë më parë në lagjen “Haidari” të Athinës u qëllua me armë në kokë një grua 30-vjeçare shqiptare, e cila mbeti e plagosur me plumb në faqe.
Media greke “espressonews.gr” shkruan se 30-vjeçarja shqiptare mendohet se punon si striptiste dhe njihet me emrin “Xhesika”. Plagosja me armë mund të ketë ndodhur për shkak të problemeve me tutorin e saj, thotë media greke.
Ngjarja ndodhi në banesën e 30-vjeçares, ku një person hyri në apartament dhe pasi bisedoi me të nisi konflikti. Grindja përfundoi në trotuar jashtë banesën, ku u shqiptarja u qëllua edhe me armë. Dje gruaja tha për një emision televiziv grek se personi që e qëlloi me armë është një shtetas shqiptar, i cili i tha se “sot do të vdesësh”.
Sipas “espressonews.gr”, në shtëpi me 30-vjeçaren qëndronte edhe një shoqe e saj, e cila prej disa ditësh ka udhëtuar drejt Shqipërisë.
Policia greke është duke hetuar në pistën e konflikteve mes tutorit dhe striptistes, por nuk përjashtohet as pista e problemeve personale apo ekonomike mes shqiptares dhe autorit.
Fqinjët e saj thonë se në shtëpinë e 30-vjeçares shkonin shpesh persona me makina luksoze, ndërsa mediat greke shkruajnë se ajo është e martuar në Shqipëri dhe ka një fëmijë 7-muajsh.
