Ky është momenti kur 32-vjeçari Franci Canaj, pas plagosjes së 29-vjeçarit Gerald Hoxha, braktis automjetin taksi dhe hipën në një tjetër makinë për t’u arratisur.
Nga pamjet e siguruara për Report Tv shohim se Canaj, pasi zbret nga taksia në ngjyrë të verdhë, shkon drejt një makine tip ‘Audi’, raporton gazetari Sokol Dema.
Ngjarja ndodhi mbrëmjen e 9 prillit pranë urgjencës së re të QSUT-së, ku Canaj qëlloi me armë zjarri ndaj Hoxhës, pasi ky i fundit kishte zënë një vend parkimi që dyshohet se ishte pretenduar nga autori.
Fatmirësisht i plagosuri ndodhet jashtë rrezikut për jetën.
Kujtojmë që një ditë më parë Policia shpalli në kërkim 32-vjeçarin.
Në 2016 Franci Canaj ka qenë më parë i arrestuar në Itali, ku akuzohej për trafik droge dhe shfrytëzim prostitucioni.
