Një i ri po lufton me vdekjen në spital pasi u plagos rëndë nga një djalë i mitur dhe babai i tij.
Nga Komisariati i Policisë Nr.2 u bë arrestimi në flagrancë i shtetasit G. H., 40 vjeç, banues në Tiranë.
Po ashtu u procedua në gjendje të lirë, djali i tij i mitur, shtetasi K. H., 17 vjeç.
Këta dy shtetas (at dhe bir) pas një debati për motive të dobëta janë konfliktuar fizikisht me shtetasin G. P., 24 vjeç, i cili ka mbetur i plagosur rëndë me sende të forta dhe aktualisht ndodhet në Spitalin e Traumës nën kujdesin mjekësor.
Ngjarja ka ndodhur mëngjesin e sotëm por vetëm para pak minutash u konfirmua zyrtarisht nga policia e Tiranës.
Ajo nuk konfirmoi shkaqet e ngjarjes dhe arsyet pse ishin konfliktuar i riu me atë e bir.
Materialet procedurale i kaluan për veprime të mëtejshme Prokurorisë së Rrethit Gjyqësor Tiranë, për veprën penale “Plagosje e rëndë me dashje e kryer në bashkëpunim”.
/a.r
