Policia e Tiranës njoftoi këtë të enjte arrestimin e një 18-vjeçari. Shkak u bë fakti se mbante në shtëpi një armë zjarri, me të cilën mbeti i plagosur aksidentalisht miku i tij një vit më i vogël.
“Specialistët për Hetimin e Krimeve të Komisariatit të Policisë Nr. 3 arrestuan shtetasin E. N., 18 vjeç, banues në Tiranë, pasi mbante në banesë një armë zjarri pistoletë, me të cilën është vetëplagosur aksidentalisht, në këmbë, shoku i tij 17 vjeç, i cili ndodhet jashtë rrezikut për jetën. Arma e zjarrit pistoletë u sekuestrua në cilësinë e provës materiale, së bashku me një sasi municioni luftarak”.
/s.f
