Një ngjarje e rëndë ka ndodhur në qarkun Fier, ku një person ka goditur me kaçavidë tre perona.
Mësohet se autori i plagosjes është Reni Hasanaj, 29 vjeç, banues në lagjen 8 Shkurti, Ballsh.
Ngjarja ka ndodhur në afërsi të spitalit të qytetit, ku për motive të dobëta, 29-vjeçari ka plagosur rëndë me kaçavidë K.K, 20 vjeç, banues në Ballsh, i cili ndodhet në Spitalin Rajonal Fier jashtë rrezikut për jetën.
Po ashtu, Hasanaj ka plagosur lehtë A.A, 25 vjeç, dhe K.A, 23 vjeç (vëllezër), banues në fshatin Belishovë, Mallakastër, të cilët morën mjekim në spital dhe janë larguar për në banesë.
Policia bën me dije se personi në fjalë ka qenë i dënuar më parë për vjedhje.
Menjëherë në vendin e ngjarjes ka shkuar policia dhe ka bërë të mundur arrestimin e tij.
Materialet i kaluan Prokurorisë pranë Gjykatës së Shkallës së Parë Fier për veprën penale “Plagosje e rëndë me dashje”. /b.d
