Një 43 vjeçar i akuzuar si pjesë e grupi të strukturar kriminal për kultivim droge është arrestuar teksa ishte fshehur në kullën e prindërve të tij.
Alban Gjegji nga Laçi ishte shpallur në kërkim që prej nëntorit të vitit 2016 pasi ndaj tij Gjykata për Krime të Rënda Tiranë ka vendosur masën e sigurimit personal “Arrest në burg”, për veprat penale “Grup i i strukturuar kriminal dhe kryerja e veprave penale nga organizata kriminale” dhe “Kultivim i bimëve narkotike, kryer në bashkëpunim”.
Policia ka goditur mbi 15 raste të kultivimit të kryera nga ky grup kriminal, si dhe ka arrestuar më parë disa persona si pjesë e këtij grupi kriminal.
Ai është arrestuar në orët e para të mëngjesit të sotëm./a.ç
