Është vetëdorëzuar në polici Renaldo Avdulaj i shpallur në kërkim policor nga Prokuroria e Krimeve të Rënda si i implikuar në trafikun e drogës me grupin kriminal të Taulant Haxhiraj.
Sipas prokurorisë Avdulaj ish oficer i policie në Vlorë ishte pjesë e grupit kriminal që u godit në 2016, ndërsa u arrestua Taulant Haxhiraj, nga Vlora, dhe u kapën 7 mijë rrënjë kanabis.
Avdulaj rezulton si një ndër 40 personat e përfshirë në këtë trafik droge.
Dosja “Treblova” ka lidhje me një operacion antidrogë në vitin 2016 gjatë të cilit u asgjësuan 18 parcela me kanabis në fshatrat Vezhdanisht dhe Treblovë, një aksion ky që asokohe hapi debat për sasinë e sekuestruar.
Për Avdylaj gjykata në hetimet paraprake ktheu hetimet prokurorisë pasi kërkoi që të sqarohej pozita e tyre. Sipas prokurorisë Avdylaj, kishte “parcelë droge në fshatrat e Vlorës dhe se ishte pjesë e këtij grupi kriminal, që drejtohej nga Taulant Haxhiraj” por gjykata në hetimet paraprake ktheu hetimet prokurorisë pasi kërkoi që të sqarohej pozita e tyre.
Akuzat për veprat penale “Kultivimit të lëndëve narkotike në bashkëpunim në formën e grupit të strukturuar kriminal”, “Pjesëmarrjes në grupin e strukturuar kriminal”, “Kryerjes së veprave nga organizata kriminale dhe grupi i strukturuar kriminal”:
1. Taulant Haxhiraj
2. Renaldo Avdyli
3. Shkëlqim Koçiaj
4. Xhovalin Baço
5. Reshat Radhima
6. Marjus Bajrami
– Për kryerjen e veprës penale “Moskallëzim krimi”, akuzohen shtetasit:
7. Klajdis Imeri
8. Anis Pajo
Prokuroria dyshon gjithashtu se grupi “Treblova” ka lidhje me Habilajt, për të cilët dosja u veçua dhe vijon të hetohet.
Në prill 2018 Gjykata e dha dënimin me 9 vite burg për Taulant Haxhiraj dhe 8 vite burg Shkëlqim Kociaj si dhe 8 vite Marjus Bajramin dhe 4 vite për Xhivalin Bacon.
g.kosovari
