Pique: E ndoqa ndeshjen Madrid-Juve më fanellën e Buffonit veshur
Mbrojtësi i Barcelonës, Gerard Pique, dekalroi se nuk do të heqë dorë nga kombëtarja. “Të largohem nga kombëtarja do të ishte gjëja e fundit që do të bëja. Kjo do të nënkuptonte të dorëzohesha ndaj atyre që fërshëllejnë për arsyet e gabuara”, tha ai. Deklarata e tij vjen pasi u fërshëllye gjatë fitores 2-0 të Spanjës ndaj Sllovakisë. Ndërsa shoku i tij i kombëtares, Sergio Ramos pati deklaruar se komentet e tij mbi Real Madridit nuk e ndihmojnë këtë situatë.
Në konferencën për shtyp, Pique tha se: “Besoj se tifozët që fërshëllejnë e bëjnë një gjë të tillë mbi rivalitetin që ekziston midis Barçës dhe Realit. Por kjo nuk do të ndryshojë. Rivaliteti do të jetë gjithmonë dhe kur një prej ekipeve të jetë i suksesshëm, tjetri nuk do të jetë. Prandaj që shpresoj që gjërat të shkojnë sa më keq të jetë e mundur për Real Madridin. Për ata që se pëlqejnë këtë qëndrim, duhet të durojnë deri sa të tërhiqem nga futbolli!”
Ndërkohë që ai ka zbuluar edhe një prapaskenë tjetër, kur deklaroi se bënte tifozllëk për Juven në ndeshjen gjysmëfinale mes bardhezinjve dhe Realit. “Unë ndoqa ndeshjen Madrid-Juve duke mbajtur të veshur një fanellë të Buffonit. Unë dua që Real Madridi të humbë gjithmonë. E adhuroj klubin tim dhe askush nuk duhet të presë që unë të ndryshoj apo të kërkoj falje. Kur më fërshëllejnë tifozët e Realit në “Bernabeu” është si muzikë për veshët e mi!”
