Gjenerali David Goldfein do të jetë shefi i dytë hebraiko-amerikan në krye të forcave ajrore amerikane.
Ai gjithashtu mori pjesë në luftën e Ballkanit në vitin 1999 dhe luftën e Irakut. Forcat kundër-ajrore serbe e qëlluan pilotin amerikan, i cili drejtonte aeroplanin F-16 derisa po e bombardonte Serbinë, por ai ishte shpëtuar në një operacion me helikopter në territorin e Kosovës.
Gjenerali David Goldfein u emërua nga Pentagoni në krye të Forcave Ajrore të SHBA’së. Goldfein, ka qenë zëvendës shef i Shtabit të Forcës Ajrore të SHBA-së, mirëpo tani do të jetë hebreu i parë që do të mbajë këtë pozitë të lartë ushtarake.
Megjithatë, pavarësisht pozicioneve të tij të larta në Shtabin e Komandës së Ushtrisë së SHBA-së dhe Forcave Ajrore rë SHBA-së, Goldfein është i njohur edhe për përvojën e tij në luftën e vitit 1999, kur forcat e NATO’s kanë bombarduar Serbinë.
Goldfein ka rrëfyer për natën e 2 majit të vitit 1999, atëherë kur forcat e NATO’s kishin bombarduar Serbinë, kur forcat serbe kishin rrëzuar aeroplanin ushtarak që ai e drejtonte F-16 në këtë operacion të NATO’s, transmeton Gazeta Express.
Goldfein tha se pas rrëzimit të aeroplanit nga forcat serbe, kishte arritur të shkojë deri në Kosovë, ku ai më pas u mor nga misionet e shpëtimit me helikopter. Goldfein si pjesëtar i Shtabit të Përbashkët do të shërbejë si këshilltar i lartë ushtarak i presidentit amerikan dhe sekretarit të mbrojtjes.
David Goldfein, i lindur në vitin 1961, i diplomuar në Akademinë e Forcave Ajrore në SHBA, mori pjesë në operacionet luftarake në Ballkan dhe Irak, duke drejtuar kështu një aeroplan ushtarak të tipit F-16, transmeton Gazeta Express.
Pozicionet e tij të mëparshme ishin si komandant i krahut, oficer ekskluziv i komandantit të Forcave Ajrore të SHBA’së në Europë dhe komandant i Forcave Ajrore Qendrore të SHBA’së. Goldfein ishte pjesëmarrës i drejtpërdrejtë në operacionin e Irakut (Lufta e Gjirit) dhe në Afganistan (Liria e Qëndrueshme), citohet “GazetaExpress”