Dy pilotët që fluturonin nga Sudani për në Etiopi “humbën” pistën e tyre të zbritjes pasi i kishte zënë gjumi. Kjo bëri që avioni të qëndronte në ajër 25 minuta më tepër edhe pse kishte arritur në destinacion.
Faqja e lajmeve të aviacionit “Aviation Herald” raporton se ky incident ndodhi në bordin e një Boeing 737-800 të Ethiopian Airlines në rrugën ajrore nga Khartoum për në Addiss Abba. “Pilotët i zuri gjumi” dhe “avioni kaloi pistën e zbritjes”, thuhet në raport.
Sipas të dhënave avioni po fluturonte me autopilot dhe nuk arriti të zbriste në Aeroportin Ndërkombëtar të Addis Ababa Bolepra në destinacionin e planifikuar. Edhe pse kontrolli i trafikut ajror kishte bërë disa përpjekje për të kontaktuar ekuipazhin, nuk kishte mundur të lidhej me ta.
Megjithatë kur avioni kapërceu pistën e zbritjes një alarm u ndez. Avioni filloi të zbriste i sigurt rreth 25 minuta më vonë. Ekuipazhit të avionit iu hoq e drejta e operimit dhe për ta do të kryhen hetime.
“Do të merren masat e duhura bazuar në rezultatet e hetimit. Siguria ka qenë dhe do të jetë prioriteti ynë”, thuhet në një deklaratë nga Ethiopian Airlines.
