Pi 35 viagra në një orë për të kënaqur gruan, por…
Donte të kalonte limitet dhe ta shtynte trupin e tij përtej mundësive që kishte. Është kjo ajo që synonte muratori 36-vjeçar Daniel Medforth. Burri nga Withernsea në Angli, gëlltiti plot 35 viagra brenda një ore pasi kishte pirë.
Siç raporton “Mirror”, Daniel mendonte se ishte diçka zbavitëse për të kënaqur të gjitha dëshirat seksuale të gruas së tij, por ajo as që e dinte se çfarë po bënte i shoqi. Menjëherë pas pirjes së viagrave, Daniel nisi të kishte marrje mendsh dhe të vjella të vazhdueshme, kështu që shkoi në spital.
Mjekët e shtruan me urgjencë dhe u përballën me një ereksion pesë ditor të burrit, duke e cilësuar një rekord të vërtetë. “U ndjeva shumë keq. Kisha marrje mendsh, halucinacione dhe shikoja jeshil. Kisha një ereksion të çmendur i cili nuk rreshte”, komentoi Daniel Medforth, pas asaj që kaloi.
