Kryeministri Edi Rama foli për vaksinën anti-Covid, duke thënë se ditët në vijim do të japë lajme të mira.
Kreu i qeverisë u shpreh se është në kontakte të vazhdueshme me kompaninë Pfizer, jo 1 po 7 herë në ditë, siç theksoi kryeministri, për të siguruar një pjesë të dozave të premtuara.
Por, Rama deklaroi se përveç Pfizer, negociatat kanë ecur shumë edhe me kompanin e AstraZeneca, nga e cila priten lajme të mira.
“Për ata që kanë marrë dozën e parë, vaksinat janë aty. Është bërë kalkulimi që asnjë të mos humbë procesin, për shkak të vaksinës. Pfizer ka një problem të madh aktualisht me të gjitha vendet. Pfizer ka lajmëruar një stop për zgjerimin e bazës prodhuese dhe faktikisht ne jemi në kontakt, jo njëherë por shtatë herë në ditë, për të bërë të mundur që ata të respektojnë kontratën me ne dhe të na sjellin dozat. Por, ne nuk jemi vetëm në dorë të Pfizer, jemi duke negociuar dhe jemi shumë përpara me negociatat me AstraZeneca. Shpresoj që në ditët në vijim të jap një lajm të mirë për këtë. Ajo që mund të thuhet me plot gojë është se Shqipëria nuk është mbrapa askujt dhe shqiptarëve nuk do iu mungojë kujdesi për të dalë sa më parë nga kjo flamë dhe kjo fazë kaq e vështirë e luftës me Covid-in, në raport me asnjë vend. Kështu që së shpejti të mund të japim lajme të mira. për momentin jemi në komunikime të vazhdueshme me Pfizer, që shpresoj të lëshojë një pjesë të dozave të premtuara. Shpresoj që në 10 ditët e ardhshme do të kemi/a.p
