Ambasada e Republikës së Shqipërisë në Romë bën me dije se ditën e nesërme, më datë 16 tetor 2020, Zyra Konsullore e saj do të rinisë shërbimet për të gjithë qytetarët.
Ambasada shqiptare i kishte pezulluar shërbimet ditën e sotme (15 tetor 202) për shkak të identifikimit të një rasti pozitiv me Covid-19 në këtë institucion.
Në njoftimin e dhënë Ambasada bën me dije se është bërë higjienizimi i mjediseve dhe tashmë shërbimi mund të rifillojë në kushtet e sigurisë.
Njoftimi i Ambasadës Shqiptare në Itali:
Të nderuar bashkatdhetarë!
Ambasada e Republikës së Shqipërisë në Romë njofton se pas pezullimit të shërbimeve gjatë ditës së sotme, 15 tetor 2020, Zyra Konsullore rifillon shërbimin nesër, më 16 tetor 2020, në oraret 08:00-20:00.
Shërbimi rifillon në kushtet e sigurisë për gjendjen shëndetësore të të gjithë punonjësve dhe higjienizimit të mjediseve të punës dhe të shërbimit.
Njoftojmë gjithashtu se qytetarët që nuk patën mundësi të shërbehen më datë 15.10.2020, do të kontaktohen nga punonjësit tanë për caktimin e një date të re.
Ju falenderojmë per mirëkuptimin tuaj!
/e.rr
