Për shkak të kushteve atmosferike të vështira të parashikuara për datën 12 janar 2025, Kapitaneria ka njoftuar pezullimin e lundrimeve në linjat Durrës-Bari dhe Bari-Durrës. Konkretisht, janë anuluar lundrimet e dy trageteve që do të niseshin nga Durrësi dhe dy trageteve që do të niseshin nga Bari.
Sipas njoftimit, anulimet vijnë si pasojë e erës së fortë nga drejtimi Veri-Lindje, me forcë 8 në Adriatikun Jugor.
Ndërkohë, lundrimet në linjën Ankona-Durrës dhe Durrës-Ankona do të vazhdojnë normalisht për të njëjtën datë. Kapitaneria këshillon pasagjerët të kontaktojnë kompanitë e transportit për informacion shtesë dhe për riorganizimin e udhëtimit.
