Gjatë daljes për mediat, Tahiri ka komentuar edhe vendimin e PS për ta pezulluar nga grupi parlamentar dhe të gjitha pozicionet në parti.
Për Tahirin, vendimi i kryeministrit Edi Rama dje nuk ishte një surprizë
Ai deklaroi se me PS bashkojnë ca vlera, që nuk e përjashton dot njeri.
“Nuk kam asnjë koment. Nuk e quaj as surprizë. Është normale që PS të mbajë një qëndrim. Unë e kam betejën me të vërtetën time. Mua me PS më bashkojnë ca vlera, që nuk më përjashton dot njeri”, deklaroi ish-ministri Tahiri.
Kujtojmë që dje, gjatë argumentimit të qëndrimit zyrtar të PS për Tahirin, Rama njoftoi edhe përjashtimin e tij nga PS.
“Saimiri do të jetë deri në përfundim të këtij procesi një njeri i lirë dhe deputet i lirë për të bërë betejën e tij, ashtu si do ta mendojë ai jashtë forumeve të partisë dhe jashtë grupit parlamentar të PS”, deklaroi Rama të hënën.
javanews/a.ç
