Deputeti socialist Alfred Peza ka rrëfyer për herë të parë dhunimin e tij në vitin problematik 1997, kur ai punonte si gazetar në gazetën “Koha Jonë”. Peza ka rrëfyer një udhëtim me një gazetar Italian në vitin 1997, pasi gazeta ku ai punonte u dogj. Në rrëfimin e tij Peza deklaron se në periferi të Fierit, mjeti i tyre u ndalua.
“Pasi u kthyem në qendër të Fierit më ndaluan dhe më shoqërun në komisariat. Aty më kanë goditur me një mijë goditje me shkop gome. I falenderoj xhelatët e mi që nuk më kanë goditur në kokë dhe në organet gjenitale. I falenderoj xhelatët e mi dhe për këtë i kam falur”, deklaroi Peza në studion e “Top Story” përballë gazetarit Sokol Balla.
Akuzat për pasurinë
Deputeti socialist Alfred Peza është vënë në qendër të akuzave nga opozita në lidhje me pasurinë prej rreth 1 milionë dollarësh të deklaruar prej tij.
Deputeti i PS deklaroi se pasuria e tij nuk është shtuar që nga koha që është future në poltikë. Ai thekson se pasuria është vënë para vitit 2013 kur punonte si gazetar dhe drejtues në disa media.
“Kurrë nuk kam blerë një makinë. Kurrë nuk kam pasur shërbëtore në shtëpi. Stili im i jetës është minimalist. Bëj një jetë shumë familjare, pa vese. Jeta ime është shumë modeste.”
Peza tha se ka marrë një interes prej 8.1% për depozitën me vlerë rreth 1 miliardë lekë të vjetra. Ai shtoi se ka fituar mbi 30 milionë lekë nga interesat e depozitës në para.
Po ashtu ai tha se nuk ka shfrytëzuar hyrjen në politikë për të punësuar njerëzit e afërt në administratë.
“Kunati im punon ngarkim-shkarkim në një market, kunata ime është emigrante. Vëllai im është emigrant në Kanada. Motra ime është edukatore kopshti në Durrës prej 20 vitesh”, tha Peza./a.m.
Alfred,fytyra yte eshte shume provokuese.Edhe kur qesh,dukesh sikur po ngerdheshesh.Prandaj nuk I ve faj fierakeve,se ndofta pervec qeshjes (lexo ngerdheshjes),kushedi cfare ke thene,me ate kapadaidhekun tend katunarce.