Deputeti socialist Alfred Peza ka reaguar në lidhje me akuzat e liderit të opozitës Lulzim Basha, të bëra nga qyteti i Kukësit, se kur PD të vijë në pushtet do të falë kamatvonesat për faturat e energjisë elektrike. Sipas deputetit Peza, Lulzim Basha po nxit qytetarët për mosshlyerjen e energjisë elektrike.
“Basha po nxit paligjshmërinë, për të cilën PD është një eksperte e pashoqe. Me deklarimet e tij Lulzim Basha u tha njerëzve që paguajnë energjinë elektrike, që ju jeni budallenj. Për vite me rradhë PD po nxit mosshlyerjen e faturave të energjisë elektrike. Lulzim Basha është njeriu që nuk e beson askush, që fjeti për 4 vite me rradhë në bashkinë e Tiranës, si ministër i brendshëm vrau 4 persona në shesh dhe si ministër i transporteve vodhi miliona euro në rrugën e Kombit.”- tha Peza.
