Petrit Vasili zgjidhet kryetari i ri i Lëvizjes Socialiste për Integrim, ndërsa Monika Kryemadhi është zgjedhur zëvendëskryetare e parë e LSI. Vendimi është marrë në Konventen e LSI, pas dorëheqjes së Ilir Metës, pasi u zgjodh presidenti i vendit.
Kryetari i ri LSI-së, Petrit Vasili nuk e ka fshehur qëllimin e kësaj force politike, që në zgjedhjet e këtij viti, të dalin forca e parë politike në vend.
“Sot nuk u fsheh dhe po iu flas me zemër në dorë… Është e qartë që nuk ka sallë që na mban. Duhen fusha të gjera. LSI ka të drejtë të thotë që do të jemi forcë e parë. Forcë e parë, s’kemi ça bëjmë tjetër. LSI kjo është kryefjala jonë. Pas kaq vitesh, kam nderin që të jem në këtë foltore. Në këtë sallë, është e gjithë historia jonë. Kemi përballuar dhimbjen e padrejtësisë. Pa rininë është një Shqipëri e vdekur. LSI që nuk ka limite, që do të jetë forcë e parë. Është një moment që bënë të qartë për çdo shqiptar se kush është forcë e përgjegjshme politike.”- ka thënë Vasili.
Pas zgjedhjes si president, Ilir Meta ka deklaruar se do të mbajë postin e kryetarit të parlamentit deri më 23 korrik dhe tesërën e LSI gjithashtu./javanews.al
c.a
