Kreu i PS në Leskovik, Sergein Peshtani, njëherazi administrator i kësaj njësie, ka depozituar në Prokurorinë e Korçës një kallëzim penal për ish-ministrin Enkelejd Alibeaj.
Kallëzimi ka ardhur pas akuzave për përfshirjen e tij në incidentin e ndodhur në Ersekë mes një biznesmeni dhe drejtorit të ujësjellësit, Oresti Malushi.
Sergei Peshtani ka deklaruar se ai ka paditur për shpifje Alibeajn, ndërsa do të kërkojë dëmshpërblim në vlerën 1 lek, pasi ndaj tij janë hedhur akuza të pabaza dhe të përdorura politikisht.
“Alibeaj !Përballja me mua nuk do të jetë e lehtë,nuk mund të të vijë më në ndihmë togfjalëshi “për propagandë politike e elektorale mund të ngre çdo akuzë”Publikisht po të padis në Gjykatë për shpifje ndaj personit tim për shkak të detyrës dhe fyerje të personalitetit tim, duke kërkuar dëmshpërblin në vlerën prej 1 lek!”, shkruan Peshtani në Facebook.
