Shefi i Pescaras, Zdenek Zeman, thotë se legjenda italiane Francesco Totti ka dyert e hapura për t’iu bashkuar klubit të tij.
40-vjeçari i dha fund karrierës te Roma pas 24 vjetësh të kaluara, ndërsa nuk ka konfirmuar nëse do të vazhdojë në ndonjë klub të ri.“Totti akoma dëshiron të luajë, dhe atë e duan të gjithë në SHBA.
Nuk duhet të luajë akoma rolin e ambasadorit, ai duhet të luajë dhe shpresoj ta bëjë në një skuadër të madhe.
Fola me të javën e shkuar dhe gjithçka varet nga kushtet që i ofrohen. Besoj se ai dëshiron një sfidë dhe jam i lumtur që i ofrova një rast”, ka thënë ai për Radio Due.
Totti kishte debutuar për Romën në moshën 16-vjeçare dhe deri tani ka pasur 786 paraqitje për klubin, përgatiti Koha. (b.an)
