Kryetari i Partisa së Lirisë, Ilir Meta, ka përkujtuar ditën e lindjes së shkrimtarit dhe politikanit Sabri Godo.
Përmes një postimi në facebook, kreu i PL e cilëson politikanin si një mik të shkëlqyer, i cili si bashkëkryetar i Komisionit për Hartimin e Kushtetutës, dha një kontribut të vyer në ndërtimin e Kushtetutës së shkëlqyer të vitit 1998.
Sot Shqipëria vuan një krizë politike, ekonomike dhe shoqërore. Në këtë situatë mungesa e urtësisë, mençurisë dhe vizionit të Sabri Godos ndihet edhe më shumë, deklarata keto qe jane “shigjetuese” per Sali Berishen, i cili pretendon se kryeson te djathten ne Shqiperi.
POSTIMI I PLOTË
Sot më 8 gusht përkujtojmë ditën e lindjes së politikanit dhe shkrimtarit të paharruar, Sabri Godo.
Një mik i çmuar, i cili si Bashkëkryetar i Komisionit për Hartimin e Kushtetutës, dha një kontribut të vyer dhe bëri një punë të jashtëzakonshme, bashkë me z.Arben Imami, për realizimin në vitin 1998 të asaj Kushtetute të mrekullueshme, për mbrojtjen e së cilës nuk do të ndalemi në asnjë moment.
Është ajo Kushtetutë, që garanton Referendumin, realizimi i të cilit sot është objektivi më madhor i Partisë së Lirisë.
Sot të gjithë e kanë kuptuar se ndërhyrjet e nxituara, të papjekura dhe të pakonsultuara ndaj Kushtetutës kanë asgjesuar llogaridhënien dhe mirëqeverisjen në çdo nivel.
Sot Shqipëria vuan një krizë politike, ekonomike dhe shoqërore. Në këtë situatë mungesa e urtësisë, mençurisë dhe vizionit të Sabri Godos ndihet edhe më shumë./m.j
