Opozita përshkallëzoi protestën sot duke bllokuar 5 akse rrugore kombëtare, ku u paralizua qarkullimi për të paktën 60 minuta.
Vetëm pak orë pas protestës, ambasdori amerikan Donald Lu i’u drejtua selisë së Partisë Demokratike për një takim me kreun e kësaj force Lulzim Basha.
Në fokus të takimit mësohet se është pikërisht situata politike në vend. Më herët, SHBA ka bërë thirrje t’i jepet fund bojkotit nga ana e opozitës.
Këtë të hënë ishte parashikuar ardhja e negociatorëve të PE dhe PPE-së për të dialoguar zgjidhjen e ngërçit politik, por është shtyrë për ditën e nesërme.
McAllister i CDU-së së Merkel, pritet të vijë nesër për të bërë ndërmjetësuesin mes partive politike, për të zgjidhur krizën politike të Shqipërisë.
Ndërkohë më herët, ministri i jashtëm gjerman Sigmar Gabriel e quajti të pakuptimtë kërkesën e opozitës për qeveri teknike.
/a.m.
