Javët e kaluara të nëntorit kanë patur në fokus të diskutimeve tensionet mes Shqipërisë dhe Greqisë, të cilat nisën me deklaratat e këtyre të fundit për çështjen e prishjes së disa ndërtimeve në Himarë, në përkatësi të familjeve minoritare.
Jo vetëm mediat po edhe vetë politikanët bënë deklarata nga më të ndryshme, duke i “fryrë” një konflikti, që për shumëkënd ka qenë thjesht një retorikë e politikës së të dy vendeve.
Por në Greqi, kjo çështje nuk ka kaluar dhe aq kollaj, pasi ish ministrja e jashtme greke Dora Bakojanis, është përplasur ashpër me Kotzias, duke i kërkuar atij që të bëjë interpelancë në parlament për këtë çështje si edhe për deklaratën e bujshme të Komisionit Europian për çështjen çame. Por Kotzias është nervozuar, raporton Kathimerini dhe i është përgjigjur opozitares që t’i lexojë me kujdes deklaratat e KE-së dhe të mos bëjë politike me çështje të tilla.
“Unë mendoj se opozita, në vend që të lexojë shtypin grek të lexojë deklaratat e KE-së më me kujdes”, tha Kotzias, duke sugjeruar se çështjet janë fryrë nga mediat./a.k