Të shtëna me armë zjarri janë regjistruar në orët e vona të natës së kaluar në një lokal nate në Dhërmi. Mësohet se disa të rinj janë konfliktuar dhe kanë qëlluar me armë në ajër pas një sherri në ambientet e një disko mjaft të njohur.
Ngjarja është shënuar në disko ‘Havana’ në zonën e plazhit, mjaft e frekuentuar gjatë sezonit turistik. Gjatë sherrit, klientët e tjerë kanë ikur me vrap të alarmuar dhe për pasojë kanë mbetur të lënduar nga gotat dhe shishet e thyera.
Ngjarja në disko “Havana” në Dhërmi vjen pas plagosjes me armë zjarri në disko “Mango” në Sarandë në fillim të muajit qershor, ku u qëllua me armë zjarri truproja, Ardian Rako, 31-vjeç. Edhe aty protagonistë ishin disa të rinj të cilin u përfshinë në një sherr me njëri-tjetrin dhe për rrjedhojë pati të shtëna me armë zjarri.
Uniformat blu kanë arrestuar autorin dhe po vijojnë hetimet për zbardhjen e plotë të ngjarjes.
“Në Dhërmi nuk ka ngjarje të rendë kriminale.
Nuk ka asnjë te lënduar asnjë te plagosur asnjë viktime.
Ka ndodhur një konflikt në një lokal.
Një person ka qëlluar me arme ne ajër.
Policia ka ndërhyrë menjëherë ku ka bere te mundur kapjen dhe shoqërimin e autorit te dyshuar.
Grupi hetimor është duke punuar për dokumentimin e plote te ngjarjes”- thuhet në reagimin e policisë
a.ç
