“Panorama” përmes burimeve të saj mëson se koalicioni LSI-PS në Këshiillin Bashkiak të Durrësit është prishur për vetëm 50 vende pune.
Sipas burimeve, Vangjush Dako i ka premtuar LSI-së 50 vende pune në ndërmarrjet apo administratën e Bashkisë gjatë fushatës zgjedhore, mirëpo më pas u ka thënë përfaqësuesve të LSI-së se nuk i ka këto 50 vende pune për anëtarët e saj.
Në këtë mënyrë, LSI-ja ka bojkotuar mbledhjen e këshillit bashkiak ditën e sotme, dhe paralajmëron se në të ardhmen do të votojnë edhe kundër.
Paraditen e djeshme, grupi i këshilltarëve të LSI-së gjatë një takimi mes tyre, mësohet të kenë vendosur të bojkotojnë mbledhjen duke lëshuar sinjale pakënaqësie./a.m.
