Policia del me deklaratë lidhur me aksidentin e ndodhur në Librazhd, ku u përfshi një autobus. Bëhet me dije se ngjarja ka ndodhur rreth orës rreth orës 16:30 të pasdites së djeshme, e martë.
Ngjarja ka ndodhur në vendin e quajtur Shkalla e Lunikut, ku një autobus me targa AA 609 TF, me drejtues shtetasin S.H., 48 vjeç, banues në Tiranë, si pasojë e humbjes së vëmendjes së drejtuesit të automjetit, autobusi ka dalë nga rruga.
Si pasojë e daljes nga rruga nuk ka pasur asnjë të lënduar, por vetëm dëme materiale, pasi autobusi në momentin e daljes nga rruga ishte pa pasagjer, sipas deklarimeve të drejtuesit të autobusit.
Drejtuesi i autobusit mbrëmjen e djeshme por as paraditen e sotme nuk ka njoftuar policinë, pasi sipas deklarimit te tij, dalja nga rruga ishte pa pasoja dhe aksidentale.
Ditën e sotme nga shërbimet e Policisë Rrugore, drejtuesi i autobusit është ndëshkuar me masë administrative , për mos njoftim të organeve të policisë për aksidentin, humbjen e kontrollit të mjetit gjatë drejtimit, si dhe largim nga vendi i aksidentit me dëme materiale, pasi drejtuesi i autobusit, paraditen e sotme e kishte nxjerrë autobusin dhe kishte vijuar lëvizjen në drejtim të Librazhdit.
/b.d
