Një 18 – vjeçar është vënë në pranga, pasi akuzohet se mbrëmjen e së mërkurës aksidentoi për vdekje me makinë një të ri, i cili lëvizte me motor.
I arrestuari është Haxhi Kullaj, banues në fshatin Arrameras, Fushë- Krujë. Sipas policisë, rreth orës 22:00, në rrugën Fushë Krujë – Kamëz, në fshatin Larushk, Kullaj lëvizte me një makinë Volkswagen kur përplasi 23 – vjeçarin me iniciale I.B. banues në Borizanë.
Ky i fundit lëvizte me një motor Kavasaki dhe mbeti i plagosur rëndë, duke ndërruar jetë në spital.
Në një njoftim të sajin, policia sqaron se Kullaj nuk ishte i pajisur me leje drejtimi dhe pasi shkaktoi aksidentin u largua nga vendi i ngjarjes. /b.d
