Një i ri është arrestuar katër ditë pasi kishte përplasur në rrugë një 80-vjeçar me automjetin e tij, duke u larguar nga vendngjarja.
Me urdhër të prokurorisë, Policia e Korçës thotë se ka ndaluar shtetasin me iniciale F.M., banues në këtë qytet, pasi ky shtetas, duke drejtuar automjetin tip “Ford Focus”, dyshohet se ka aksidentuar një këmbësor, shtetasin J. Zh., 80 vjeç, banues në Korçë.
I moshuari, aktualisht ndodhet në Tiranë jashtë rrezikut për jetën. Në cilësinë e provës materiale, policia sekuestroi mjeti tip “Ford Focus”.
Materialet i kaluan Prokurorisë pranë Gjykatës së Shkallës së Parë Korçë për veprime të mëtejshme.
/a.r
