Një aksident i rëndë me pasojë vdekjen e një 4-vjeçari ka ndodhur pasditen e kësaj të enjte në Durrës.
Ngjarja ka ndodhur në rrugën “Pavarësia” pranë zonës së plazhit. Mësohet se i mituri B.B, ka tentuar të kalojë rrugën kur është goditur me forcë nga një “Opel” me targa Zvicre BE767006 , me drejtues shtetasin K.D
Pas aksidentit drejtuesi i automjetit, është larguar nga vendi i ngjarjes. 4-vjeçari është transportuar me urgjencë në drejtim të Spitalit të Durrësit, por plagët e marra në kokë e kanë bërë të pamundur që mjekët ta mbajnë në jetë.
Policia ka ngritur një grup hetimor për zbardhjen e shkaqeve të këtij aksidenti si dhe ndalimin e drejtuesit të automjetit.
Njoftimi i policisë:
Informacion paraprak.
Më datë 08.03.2018, në lagjen Nr.13 Plazh, Durrës një mjet tip Opel me targa Zvicre BE767006 , me drejtues shtetasin K.D. ka aksidentuar një fëmijë të mitur me iniciale B.B. 4 vjeç, i cili ka ndërruar jetë.
Drejtuesi i mjetit është larguar nga vendi i ngjarjes.
Efektivët e Policisë janë angazhuar maksimalisht për kapjen e drejtuesit të mjetit.
Grupi hetimor po punon për zbardhjen e plotë të rrethanave të ngjarjes.
