Të paktën katër persona kanë vdekur dhe rreth 150 të tjerë janë plagosur pas një përplasje mes dy trenash pranë qytetit jugor të Gjermanisë, Bad Aibling, sipas policisë.
“Të paktën 150 persona janë plagosur, mes të cilëve 10 janë në gjendje të rëndë”, sipas të njëjtave burime.
“Tetë helikopterë po transportojnë personat e plagosur rëndë në spitalet pranë. Ata me plagë të lehta po trajtohen nga forcat e shpëtimit në terren”, njoftoi policia.
Arsyeja për përplasjen kokë më kokë, që ndodhi në orën 5:50 GMT dhe përfshiu dy trena të operatorit privat “Meridian”, mbetet ende e paqartë.