Një aksident i rëndë ka ndodhur në aksin rrugor Elbasan-Peqin, ku për pasojë ka humbur jetën një fëmijë 5-vjeçar. Viktima është i mituri me inicialet L.S, i cili ndodhej si pasagjer në makinën tip “Fiat”. Fëmija ka humbur jetën rrugës për në spital.
Sipas policisë në aksident janë përfshirë dy makina, një tip “Fiat” me drejtues K.L, 51-vjeç banues në Peqin dhe makina tjetër tip “Volkswagen”, me drejtues H.S. 67-vjeç banues në Elbasan.
Në vendin e ngjarjes kanë shkuar forca të shumta policie të cilët po hetojnë për zbardhjen e plotë të këtij aksidenti fatal. /e.s/
