Mëngjesin e sotëm ka ndodhur një aksident në autostradën Tiranë-Durrës, në afërsi të Kasharit.
Mësohet se janë përplasur dy makina, një “Panda” me një “Fiat” dhe si pasojë ka humbur jetën një nga shoferët.
Ndërkohë ky aksident ka shkaktuar trafik në këtë autostradë, që shkon deri në 10 km.
Policia ben me dije se aksidenti ka ndodhur rreth orës 06:05, te mengjesit te sotem, në autostradën Tiranë-Durrës.
“Mjeti me drejtues Xh.S, ka aksidentuar mjetin me drejtues shtetasin E.M., i cili si pasojë e plagëve të marra ka ndërruar jetë”- njofton policia.
Tashmë policia ka devijuar lëvizjen e mjeteve për në rrugën dytësore.
Tiranë/Informacion paraprak
Më datë 03.09.2020, rreth orës 06:05, në autostradën Tiranë-Durrës, mjeti me drejtues Xh.S, ka aksidentuar mjetin me drejtues shtetasin E.M., i cili si pasojë e plagëve të marra ka ndërruar jetë.
Drejtuesi i mjetit u shoqërua në Komisariatin e Policisë Nr.6, për veprime të metejshme.
Grupi hetimor ndodhet në vendngjarje dhe vijon punën për zbardhjen e rrethanave të ngjarjes.
g.kosovari
