Një person ka humbur jetën dhe një tjetër ka mbetur i plagosur si pasojë e një aksidenti. Ngjarja ka ndodhur në orët e para të mëngjesit të së martës në aksin rrugor Shkodër-Lezhë, në vendin e quajtur “Kryqëzimi i Dajçit”.
Sipas informacioneve paraprake të policisë në aksident janë përfshirë dy automjete, ku si pasojë njëri nga shoferët ka humbur jetën.
Nga informacionet e para mësohet se viktimë e këtij aksidenti ka mbetur shtetasi Zyhdi Meti, ndërsa është plagosur Volson Tola.
Nga aksidenti është bllokuar superstrada Lezhë-Shkodër, ndërsa qarkullimi i automjeteve u bë në rrugën dytësore.
Lezhë/Informacion paraprak
Në aksin rrugor Shkodër-Lezhë, në vendin e quajtur “Kryqëzimi i Dajçit “, automjeti me drejtues shtetasin Z.M.,është përplasur me automjetin me drejtues shtetasin V.T., ku si pasojë ka ndërruar jetë drejtuesi i mjetit shtetasi Z.M., dhe ka marrë dëmtime e dërguar në spitalin e Traumës, Tiranë drejtuesi i mjetit tjetër shtetasi V.T.
Grupi hetimor ndodhet në vendngjarje dhe po punon për sqarimin e plotë të shkakut dhe rrethanave të ngjarjes.
g.kosovari
