Një aksident i rëndë ka ndodhur paraditen e kësaj të premte në Greqi, ku dy autobusë janë përplasur me njëri-tjetrin në rrugën bregdetare të Vulës.
Mediat greke raportojnë se si pasojë e përplasjes, 47 persona janë plagosur, 4 prej tyre në gjendje të rëndë janë transportuar në spital.
Mes të plagosurve janë edhe 12 të mitur, të cilët gjithashtu janë dërguar në spital, jashtë rrezikut për jetën.
Rrethanat e aksidentit janë të paqarta, ndërsa sipas dëshmitarëve, përplasja ndodhi në një stacion autobusi, pak pasi pasagjerët kishin zbritur. Shoferi i autobusit pas tij thuhet se u ndje keq dhe automjeti u përplas me autobusin tjetër.
Ndërkohë, sipas dëshmisë së njërit prej shoferëve, automjeti i tij ishte në lëvizje, sapo ishte nisur nga ndalesa, kur papritur autobusi i dytë erdhi me shpejtësi të madhe dhe u përplas në pjesën e pasme të automjetit.
